ТАРИХИ МЕЖЕ ҚҰТТЫ БОЛСЫН ҚАЗАҚ ЕЛІ!

БЕСБАЕВ МӘДИ ӘБЗЕЛҰЛЫ, «Жігер» қоғамдық – саяси зерттеулер орталығы қоғамдық бірлестігінің төрағасы, сарапшы:

Кешегі күннен бері көптеген отандастарымыз ғаламтор беттерінде Қазақстан халқының саны тарихи межеге жетіп, 20 миллионыншы тұрғыны дүние есігін ашқаны жайлы мәлімдеп, күллі жұртшылықты осы бір мерейлі қуанышпен құттықтап жатыр.
Жоғарыдағы демографиялық биік меже республика халқының саны
20 миллионға жетуі бұл сан ғасырлық тарихы бар, әрқилы жағдайда, әртүрлі кезеңдерде, санқилы демографиялық толқынды бас¬тан өткерген халқымыз үшін үшін зор жетістік. Бұның бәрі бүгінгі тәуелсіздіктің арқасы екені әмбеге аян.
Еліміз тәуелсіздік алған жылдары күн тәртібіне қойылған аса маңызды мәселенің бірі – этнодемографиялық ахуалды жақсарту болды. Мемлекет тарапынан жүр¬гізілген сындарлы саясаттың нәтиже¬сін¬де, жергілікті халықтың саны өсті. Бұл өсім, біріншіден, жергілікті халықтың өсімі арқасында, екіншіден, басқа ұлттардың этностық отандарына қоныс аударуына, үшіншіден, шетелде өмір сүріп жатқан қазақтардың атамекеніне оралуына байланысты болып, елдегі этнодемографиялық ахуал жақсарды.
Болашақта еліміз аман, жұртымыз тыныш, бүгінгі тәуелсіздігіміз баянды болса, қазақ халқы өсіп, өнері хақ. Ең бастысы, Тәңір жұртымызға береке берсін!